Government Notice No. 1473 of 2017

Wet op Onderhoud (99/1998) » Wysiging van Regulasies betreffende Onderhoud

Title	Wet op Onderhoud (99/1998) » Wysiging van Regulasies betreffende Onderhoud
Department	Justice and Constitutional Development
Gazette	Regulation Gazettes, No. 41352 of 21 December, 2017, 11 page(s), 1.5Mb

14    No. 41352             GOVERNMENT GAZETTE, 21 DECEMBER 2017
                                             GOEWERMENTSKENNISGEWING
                            DEPARTEMENT VAN JUSTISIE EN STAATKUNDIGE ONTWIKKELING
                             DEPARTEMENT VAN JUSTISIE EN STAATKUNDIGE ONTWIKKELING
          NO. R. 1473                                                                       21 DESEMBER 2017
                No. R.                                                                             201
          R. 
                      WET OP ONDERHOUD, 1998 (WET NO. 99 VAN 1998): WYSIGING VAN REGULASIES
                                               BETREFFENDE ONDERHOUD

Die Minister van Justisie en Korrektiewe Dienste het kragtens artikel 44 van die Wet op Onderhoud, 1998
                (Wet No. 99 van 1998), die regulasies in die Bylae uitgevaardig.
                                                          BYLAE

Woordomskrywing

1.     In hierdie Bylae beteken "die Regulasies" die Regulasies betreffende Onderhoud
                afgekondig by Goewermentskennisgewing No.  R. 1361 van 15 November 1999, soos gewysig deur
                Goewermentskennisgewing No. R. 1099 van 3 November 2006.
                Invoeging van regulasie 2A in Regulasies

2.     Die volgende regulasie word hierby na regulasie 2 ingevoeg:

"Opsporing van persoon wat deur 'n bevel geraak kan word

2A.(1)  (a)   'n Onderhoudsbeampte wat ingevolge artikel 7(3)(a) van die Wet misluk
                       het om die persoon wat deur 'n bevel geraak kan word, op te spoor, kan skriftelik op 'n vorm wat
                       wesenlik met Vorm R van die Aanhangsel ooreenstem, by die onderhoudshof aansoek doen om
                       'n lasgewing soos in artikel 7(3)(b) van die Wet beoog, uit te reik.
                                     (b)    'n Aansoek om 'n lasgewing soos in subregulasie (1)(a) bedoel, moet by
                       die klerk van die hof ingedien word, wat die lasgewing binne drie werksdae aan die
                       onderhoudshof moet oorhandig.
                              (2)    Na oorweging   van  die  aansoek  in  subregulasie  (1)  bedoel,  kan  die
                       onderhoudshof 'n skriftelike lasgewing, wat wesenlik met Vorm S van die Aanhangsel
                       ooreenstem, uitreik, waarin gelas word dat die elektroniese kommunikasiediensverskaffers die
                       onderhoudshof skriftelik, voor of op die datum in die lasgewing gespesifiseer, voorsien van die
                       kontakbesonderhede van die persoon, soos in artikel 7(3)(b) van die Wet beoog, op 'n vorm wat
                       wesenlik met Vorm T van die Aanhangsel ooreenstem.
                              (3)    Die lasgewing soos in subregulasie (2) bedoel, moet aan die elektroniese
                       kommunikasiediensverskaffer voorsien word op 'n wyse deur die onderhoudshof gelas, wat kan
                       insluit-
                       (a)    geregistreerde pos;
                       (b)    faksimilee; of
                       (c)    elektroniese pos:
                       Met dien verstande dat bewys van voorlegging per geregistreerde pos of faksimilee gehou word
                       en dat bewys van ontvangs deur die elektroniese kommunikasiediensverskaffer gegee kan word
                       deur die persoon wat die elektroniese pos gestuur het.
                              (4)    (a)    'n Elektroniese kommunikasiediensverskaffer kan 'n aansoek soos in
                       artikel 7(3)(e) van die Wet beoog bring op 'n vorm wat wesentlik met Vorm U van die Aanhangsel
                       ooreenstem, voor of op die datum in die lasgewing bedoel in subregulasie (2), gespesifiseer.
                                     (b)    By ontvangs van 'n aansoek soos in paragraaf (a) bedoel, moet die
                       onderhoudshof die aansoek oorweeg en die elektroniese kommunikasiediensverskaffer skriftelik
                       van die uitslag van die aansoek inlig op 'n vorm wat wesenlik met Vorm V van die Aanhangsel
                       ooreenstem.
                                     (c)    Die uitslag van die aansoek soos in paragraaf (a) bedoel, moet aan die
                       elektroniese kommunikasiediensverskaffer voorgelê word op die wyse deur die onderhoudshof
                       gelas.

Type your email for free alerts on latest Department of Justice and Constitutional Development notices as they are published

greengazette

Government Notice No. 1473 of 2017

Links

Publications

Insight