Board Notice No. 3 of 2020

Wyn van Oorsprong-skema » Kennisgewing van aansoek vir die omskrywing van produksiegebied Vlottenburg (Wyk)

Title	Wyn van Oorsprong-skema » Kennisgewing van aansoek vir die omskrywing van produksiegebied Vlottenburg (Wyk)
Department	Board Notices
Gazette	National Gazettes, No. 42967 of 24 January, 2020, 4 page(s), 99.9Kb

STAATSKOERANT, 24 JANUARIE 2020                      No. 42967    89

RAADSKENNISGEWING 3 VAN 2020
          
                     KENNISGEWING VAN AANSOEK VIR DIE OMSKRYWING VAN PRODUKSIEGEBIED
                                                 VLOTTENBURG (WYK)
            ----------------------------------------------------------------------------------------------------------------------------------------------
            (Ingevolge Artikel 6 van die Wyn van Oorsprong-skema gepubliseer by Goewerments-kennisgewing No.
            R.1434 van 29 Junie 1990)
            ----------------------------------------------------------------------------------------------------------------------------------------------

Neem kennis dat Vlottenburg Boerdery (Edms) Bpk by die Wyn-en Spiritusraad aansoek gedoen het vir
            die afbakening van die produksiegebied Vlottenburg (Wyk) om Wyn van Oorsprong te produseer.

Omskrywing van voorgestelde wyksgrens
            Die voorgestelde Vlottenburg Wyk (Fig. 1) se grens begin op die Polkadraaipad waar dit die Sanddrifrivier
            oorkruis en loop dan weswaarts saam met die Polkadraaipad tot teenaan die Polkadraai Heuwels Wyk net
            na Skilpadvlei. Vandaar loop die grens suid en dan weswaarts saam met die bestaande buitegrens van die
            Polkadraai Heuwels Wyk, tot waar dit die Vlaebergrivier oorkruis. Vandaar loop die grens saam met die
            Vlaebergrivier in ‘n algemeen suidelike rigting, tot waar dit by die Eersterivier aansluit. Vandaar, stroomop
            met die Eersterivier in ‘n noord-oostelike rigting tot waar die Sanddrifrivier in die Eersterivier teenaan die
            Vlottenburg plaas uitmond. Vandaar, in ‘n algemeen noordelike rigting op met die Sanddrifrivier tot waar dit
            by die beginpunt hierbo genoem, aansluit.

Geologie
            Die voorgestelde wyk bestaan uit goedverweerde graniet (N-Ck, rooi gekleurd in Fig. 2) gronde, met groot
            gedeeltes van die gronde van binêre oorsprong, waar jonger, sanderige Tafelberg Sandsteen-materiaal die
            primêre gesteentes oorlê (Qgg, geel gekleurd in Fig. 2), dikwels met ferrikreet (ouklip-konkresies of-banke)
            op die kontaksone.

Topografie

Die voorgestelde Vlottenburg Wyk kan as ‘n natuurlike eenheid beskou word met ’n algemeen konvekse
            heuwel-landskap  en  volop  koeler  suidelike  hange.  Dit  dreineer  meestal  suidwaarts  na  die  Eersterivier
            (Fig. 1; Fig. 3).

Die voorgestelde grense is ter insae by www.sawis.co.za "Sertifisering – Nuus en inligting” of kontak Jackie
            Cupido by 021 807 5704.

Enigeen wie beswaar het teen die aansoek, moet sy/haar beswaar, met opgaaf van redes, skriftelik indien
            by  Olivia  Poonah  (olivia@wsb.org.za),  Die  Sekretaris,  Wyn-  en  Spiritusraad,  Posbus  2176,  Dennesig,
            Stellenbosch, 7599, binne 30 dae van publikasie van hierdie kennisgewing.

Type your email for free alerts on latest Board Notices notices as they are published

greengazette

Board Notice No. 3 of 2020

Links

Publications