Pages

National Gazette No. 43913, 20 November 2020, Vol 665, Page 85

20201120 - National Gazette No 43913 of 20-November-2020, Volume 665, page 85

Page	85 of 112
Gazette	National Gazettes, No 43913, from 20 November, 2020
Department	Home Affairs
Notice	Page No. 42 of 45, Notice No. 1234, Mineral Resources and Energy, Department of/ Mineraalbronne en Energie, Departement van 1235 use of Official Languages Act (12/2012) » National Nuclear Regulator Policy

STAATSKOERANT, 20 NOVEMBER 2020                       No. 43913    85

POL-CSR-005                      PUO YA SEMMUSO                                  Rev 0

j)  dira le go romelela Tona pego ya setšhaba ya ngwaga le ngwaga ka ga boitekanelo le
                        pabalesego tse di amanang le badiri, setšhaba le tikologo e e amanang le mafelo otlhe,
                        go akaretsa, mme go sa lekanyediwa go, diteng tse di tlhomilweng.

(2) Tona o tshwanetse go begela Palamente pego ya setšhaba ya ngwaga le ngwaga e a e
                 romeletsweng go ya ka karolwana (1)(j) mo malatsing a le 14 fa e sena go romelwa jalo fa ka
                 nako eo Palamente e kopana ka mokgwa o o tlwaelegileng kgotsa, fa ka nako eo Palamente

e sa kopana ka mokgwa o o tlwaelegileng, mo malatsing a le 14 fa e sena go simolola go
                 kopana ka mokgwa o o tlwaelegileng.

(3) Maikarabelo a Bolaodi a tshwanetse go dirwa ke Mokhuduthamaga Mogolo,
                 jaaka a kaelwa ke boto, ntle le fa go totobaditswe ka tsela e sele mo Molaong o.

NNR e tsaya pholisi e e le karolo ya thulaganyo ya tiriso ya dipuo tse dintsi. Le fa NNR e
                 rotloetsa tiriso ya dipuo tse di farologaneng, go tshwanetse ga tlhokomelwa gore se ga se

kgwebo ya yone ya konokono, mme mathata a ditšhelete a tlaa raya gore e tlaa tshwanelwa
                 ke go lekalekanya magareng ga dipuo tse di tlhophiwang le ditlhoko tsa babadi (ka fa gare le
                 ka fa ntle).

6.3 Dipuo tsa semmuso tsa NNR

Aforikaborwa ke naga ya dipuo tse dintsi e e nang le dipuo tse di ka tshwarang 25 tse di

farologaneng tse di buiwang, tse 11 ya tsone e filweng maemo a semmuso go ya ka Karolo 6
                 ya Molaotheo (Molao Nom. 108 wa 1996), ka mabaka a gore tiriso ya tsone e akaretsa 98%
                 ya palo ya baagi botlhe. Dipuo tsa semmuso ke: Sendebele, Sexhosa, Sezulu le Seswati (tse
                 di bidiwang dipuo tsa setlhopha sa SeNguni); Sesotho, Sepedi le Setswana (tse di bidiwang
                 dipuo tsa setlhopha sa Sesotho); Sevenda, Setsonga, Seesemane le Seaforikanse.

Ka ntlha ya tlholego ya molawana wa pabalesego le  tshireletso ya nyutlelia, le ka  gonne
                 Seesemane e le puo ya konokono mo go tsa kgwebo e e dirisiwang boditšhabatšhaba le mo
                 Palamenteng ya Aforikaborwa, NNR, e tlhopha Seesemane jaaka nngwe ya dipuo tse nne (4)

tsa semmuso tse di dirisiwang ke NNR. Ka ntlha ya se se tlhophiwang ke setšhaba se ba se
                 direlang,  NNR  gape  e  dirisa  Sexhosa,  Sezulu  le Seaforikanse  jaaka dipuo tsa yone tsa
                 semmuso ka maikaelelo a pholisi e.

Bukana ya NNR ya Tsweletso ya go Fitlhelela Tshedimosetso e fetoletswe mo dipuong tse
                 nne (4) tsa semmuso.

Non-Restricted
                                                           42

< page 84	View full Gazette No. 43913	page 86 >

Type your email for free alerts on latest Department of Home Affairs notices as they are published

greengazette

Pages

Links

Publications